ekran платформа за слободоумни
Овидие Олеа не покажува, на кој било начин, дека станал могул за само 4 месеци, благодарение на заштитните маски. Ова е неговата приказна.
Кон крајот на јануари, кога вирусот корона се пробил низ границите на Вухан, Олеа решил да купи маски за своите вработени. Живее во Хонг Конг, каде води фирма која развива технологија за плаќање преку Интернет. Иако во тој момент имал само 20. вработени, тешко било да се најдат дури 100 маски.
Покрај тоа, кога демонстрантите носеле маски за да ги сокријат идентитетите за време на протестите во Хонг Конг минатата година, кинеската влада го намалила извозот. Пред пандемијата, половина од вкупната светска количина маски се произведувала во Кина, а сега е дури 85. проценти. Ако Кина не ви испрати маски, веројатно нема да ги имате.
„Немаме маски, но ако ги пронајдете, ние ќе бидеме среќни да ги купиме од вас“, му рекол аптекарот на Олеи.
Тој подоцна во весник прочитал дека епидемиолозите ги фалат маски N95. Тој се повлекол од својата секојдневна работа и започнал да остварува телефонски разговори со добавувачи од Мексико, Турција, Индонезија, Ирска. Секој го одбил.
„Не, ние им продаваме само на акредитираните клиенти“, „Пријавете се следната година“, тоа билеодговорите. После три дена, тој ја пронашол јужноафриканската фирма „North Safety Products”, која имала на располагање 500.000 маски. Олеи ги купил сите, за помалку од една фунта по маска, сигурена дека ќе може да го продаде вишокот.
Од фирмата го предупредиле да биде внимателен. „Заинтересираните страни“ чекаат, подготвени да ги поткупат возачите за нивниот товар. Олеи ангажирал обезбедување да ги придружува возачите на аеродромот во Јоханесбург, шестмина намуртени мажи со пиштоли и панцири.
Во средината на февруари, две недели по нарачката, неговата нарачка пристигнала во Хонг Конг. За шест часа, клиентите со кои потпишал договор ги купиле скоро сите маски.
„Да имав и пет милиони маски, ќе ги продадев сите“, рекол Олеа.
Олеа, која јасно има талент за бизнис, брзо стана опседнат со оваа „нова производна линија“. Од февруари, кога избувнала пандемијата, тој од фирмата „North Safety Products” купил и продал уште еден милион маски N95. Во март станал посредник за кинески маски, едноставни што ги користат скоро сите, продавајќи и маски на владата на Хонг Конг, на европските земји преку нивните дипломати во Хонг Конг и Кина, европски компании кои ги сакаа за своите вработени …
Сè на сè, тој продал околу 48. милиони маски.
До април, тој одлучил дека може да оди еден чекор подалеку. Тој од кинески произведувач купил машина за производство на маски, на која на осум ила скоро шест фунти и Олеа возбудливо чекал да пристигне машината. Тој сепак водел сопствен бизнис а маските му биле бегство од бизнисот.
„Но, ова се чудни времиња. Сите треба да најдеме начин да преживееме“, рекол тој.
Така, маските станаа најбараната стока во целиот свет, а еден „брокер за маски“ дури рекол дека тргувањето со овој производ е нешто најлудите што го доживеал досега.
Земјите се натпреварувале во набавките и ги користеа за геополитички цели, крадците ги краделе, добро познатите модни куќи започнале со сопствено производство на маски. И сето ова се случува во време на спротивставени информации од Светската здравствена организација, која дури и денес не нуди прецизно објаснување дали треба да се носат маските и колку се корисни за заштита од вирусот.
Екран.мк/Guardian
