Претставничката на Русија, 14.годишната Полина Богусевич, победи на годинешното натпреварување Јуниор Евровизија. Македонската претставничка Мина Блажев заврши на 12. место.
Изборот за најубава јуниорска песна се одржа во Тбилиси, Грузија, а Полина собра 188 поени со песната „Крилја“. На второто место беше претставникот на Грузија, а трета Австралијката Изабела Кларк. Оваа година првпат при изборот на победникот можеше да се гласа и за сопствената земја, а се гласаше преку интернет-страницата на Јуниор евровизија.
Во натпреварувањето учествуваа претставници на 16 земји: Австралија, Албанија, Ерменија, Белорусија, Грузија, Ирска, Италија, Кипар, Македонија, Малта, Полска, Португалија, Русија, Србија, Холандија и Украина.
Русија победи на Јуниор евровизија
©EKRAN.MK Вестите на интернет страницата на редакцијата ЕКРАН.мк може да се користат исклучиво за лично информирање. Без писмена дозвола од ЕКРАН или посебен договор, не е дозволено превземање, користење или реемитување на вестите, во спротивно ќе уследи фактурирање на име „плагијат“ во вредност од 20.000 денари.