Направете посна верзија од најпопуларните чоколадни бонбони во светот.
Состојки:
– 200 грама посни наполитанки со лешници
– 300 грама крупно сечкани печени лешници
– 200 грама маргарин
– 200 грама чоколадо
За прелив и посипување:
– 200 грама чоколадо
– 90 грама маргарин
– 1 лажица мед
– 100 грама ситно сечкани печени лешници
– Чоколадни трошки (купени или исечкани од чоколадо за готвење)
Подготовка:
Издробете ги наполитанките и додадете ги лешниците. Маргаринот изматете го со растопеното чоколадо и додадете го во смесата со наполитанки и лешник. Сè убаво соединете и со раце направете топчиња.
Направените топчиња ставете ги во фрижидер два часа да се стегнат.
За преливот на топчињата растопете го чоколадото со маргарин и мед, а потоа со лажица спуштете ги стврднатите топчиња во чоколадото и наредете ги во хартиени корпички во кои сте посипале малку сечкани лешници. Потоа врз топчињата посипете лешници и чоколадни трошки. Оставете ги подготвените топчиња во фрижидер, убаво да се стегнат.
Фото: Принтскрин/YouTube