Европската комисија следната недела ќе предложи новите сертификати на ковид 19 да комбинираат информации за вакцинација, закрепнување од болест и резултати од тестови со цел да се избегне дискриминација меѓу граѓаните, изјавил европскиот комесар за правда Дидие Рејндерс.
Земјите-членки од југот на ЕУ кои се потпираат на туризмот се надеваат дека ваквите „пасоши“ можат да ја „отклучат“ оваа летна сезона, но идејата наишла на противење од Германија, Франција и Белгија, кои нагласуваат дека вакцинацијата не е ниту задолжителна ниту достапна за секого.
„Работиме на сертификат, тоа не е ‘пасош’, не е само прашање на вакцинација. Станува збор за закрепнување на луѓето кои имале болест, вакцинација или тест“, истакнал Рејндерс.
Видот на вакцината сè уште не е услов за ковид пасош?
„Ние немаме задолжителна вакцинација, затоа е можно да се одбие вакцинирање. И во моментов немаме капацитет да организираме вакцинација за сите луѓе кои сакаат да се вакцинираат. Не сакаме да имаме никаква дискриминација”, истакнал тој.