На 27 јануари 2024 година (сабота), со почеток во 19:30 часот, во Малата сала на Центар за култура во Битола, ќе биде прикажан филмот „Pushing Tin“ и ќе се одржи дискусија на тема: одговорноста на контролорите на летање.
Ако сакате да научите што значи да си контролор на летање и колку оваа професија е важна за безбедноста на авиосообраќајот, ве чекаме на проекција и дискусија!
Во сабота го гледаме филмот Pushing Tin (1999) во режија на Мајк Њуел, кој е спој на драма и комедија, а ги следи животите на двајца контролори на летање и нивното професионално ривалство. Приказна која ни дава одличен увид во природата и предизвиците на оваа одговорна професија.
После проекцијата следува дискусија со Никола Сотировски, Надзорен обласен контролор на летање, кој ќе ни ја доближи оваа уникатна и несекојдневна професија, се вели во објавата на организаторите на овој настан.
Влезот е бесплатен. Ве очекуваме!