Исеј Мијаки, јапонски моден дизајнер познат по својот ексцентричен стил и мириси, почина на 84-годишна возраст.
View this post on Instagram
Роден е на 22. април 1938. година во Хирошима, Јапонија, бил сведок на атомското бомбардирање во август 1945. година.
Како дете сакал да стане танчер. Неговиот интерес за модата започнал кога ги проучувал модните списанија на неговата сестра.
Дипломирал графички дизајн на Универзитетот за уметност Тама во Токио во 1964. година.
View this post on Instagram
Учествувал на моден натпревар на колеџот за мода Бунка во Токио. Сепак, тој не победил поради недостаток на вештини за правење шаблони или шиење. По дипломирањето, тој се запишал на „Chambre syndicale de la couture parisienne“ во Париз и бил чирак кај Гај Ларош како помошник-дизајнер.
Работел и со Хуберт де Живанши, правејќи од 50. до 100. скици дневно.
Тој се преселил во Њујорк во 1969. година, каде што се запознал со уметници како Кристо и Роберт Раушенберг.
View this post on Instagram
Посетувал часови по англиски јазик на Универзитетот Колумбија и работел на Седмата авенија за дизајнерот Џефри Бин.
Кога следната година се вратил во Токио, го основал „Miyake Design Studio“, врвен производител на женска мода.
Фото: Принтскрин/Instagram