Почина Шарл Азнавур: Крал на француската шансона

Легендарниот француски шансониер, Шарл Азнавур, починал во 94. година, потврдил неговиот менаџер.
„Француски Синатра“, како што многумина го нарекувале, продал повеќе од 180. милиони албуми а се појавил во повеќе од 60. филмови. Азнавур бил син на ерменски имигранти, роден во Париз.

Испеал повеќе од 1.200 песни на дури седум различни јазици и вкупно настапил во 94. земји во светот. Во своите стихови често се осврнувал на своето тешко детство и растење во семејство на имигранти.
Има и своја ѕвезда на Булеварот на славните во Холивуд, а во 1998. година CNN го прогласил за забавувач на векот.
Се женел три пати и има шест деца.