АКО мислите дека витаминот Ц е најпопуларниот додаток, грешите. Тоа е витамин Д.
Витаминот Д го регулира нивото на калциум, од витално значење за здрави коски и ја олеснува нормалната функција на имунолошкиот систем. Како знаете дека имате недостаток на витамин Д?
„Недостатокот на витамин Д не е толку очигледен кај возрасните“, велат од Клиниката Кливленд.
Еве неколку знаци дека вашето тело може да има недостаток на витамин Д.
1. Уморни сте
Недостатокот на витамин Д често се поврзува со замор и други неспецифични симптоми како што се главоболки, мускулно -скелетни болки, слабост, депресија и нарушени когнитивни способности, се вели во една студија објавена во професионалното списание „Medicine“.
„Третманот со витамин Д значително го подобри заморот кај инаку здрави луѓе со недостаток на витамин Д“, наведуваат тие.
2. Чувствувате болка во коските
„Статусот на витаминот Д влијае на здравјето на мускулно-скелетниот систем“, тврди една студија објавена во Musculoskeletal Medicine.
„Ниското ниво на витамин Д може да доведе до болки во коските, мускулна слабост, падови, мала коскена маса и фрактури, со последователни дијагнози на остеомалација, остеопороза и миопатија“.
3. Чувствувате слабост, болки или грчеви во мускулите
„Познато е дека витаминот Д игра важна улога во нормалната мускулна функција“, велат авторите на студијата објавена во Bone Reports.
Ниските нивоа на витамин Д се поврзани со зголемен ризик од падови и проксимална слабост.