ekran платформа за слободоумни
Вечерва со почеток во 20:00 часот во Националната Опера и Балет, ќе биде изведена операта „Боеми“ од Џакомо Пучини.
„Боеми“ е опера во четири чина од Џакомо Пучини напишана е по италијанското либрето на Луиџи Илика и Џузепе Џакоса. Либретото се базира на романот „Животот на боемите“ од Хенри Мургер. Светската премиера на операта е одржана на 1 февруари 1896 во Торино, Италија, диригирана од младиот Артуро Тосканини.
Публиката за миг ќе биде пренесена во париските поткровја каде неколку млади уметници и покрај сиромаштија и борејќи се за основните потреби на секојдневието (храна, огрев) живеат крепејќи се од идеалите и љубовта, а без скршена пара во џебот претендираат да живеат боемски.
Диригент е Бисера Чадловска режијата е на Дејан Прошев, сценографијата на Зоран Николовски, а костимограф е Марија Пупучевска, концерт-мајстор е Верица Ламбевска, хор-мајстор: Јасмина Ѓорѓеска и Ѓурѓица Дашиќ.
Настапува домашна солистичка екипа: Ѓорѓи Цуцковски, Благица Поп Томова, Марјан Јованоски, Драган Ампов, Александар Стефаноски, Билјана Јосифов, Невен Силјановски, Борко Биџовски, Јане Дунимаглоски, Александар Никодиновски, Тихомир Јакимовски, Ема Гиновска во придружба на хорот и оркестарот на Национална опера и балет.
Билетите можете да ги набавите на билетарницата на НОБ и онлајн на: www.operabalet.mk
