Американската новинарка Барбара Волтерс починала на 94-годишна возраст.
Беше водителка на бројни телевизиски емисии, меѓу кои: “The View”, “Today”, “20/20”, “ABC Evening News” и други. Во 1996 година, TV Guide ја вклучи на листата на 50 најголеми ѕвезди на сите времиња. Во 2000 година, Националната академија за телевизиски уметности и науки и додели награда за животно дело.
„Барбара почина во својот дом опкружена со членови на семејството. Го живееше својот живот без каење. Беше пионерка на новинарството и пример на многу жени“, рекла менаџерката Синди Бергер.
Информации за нејзината смрт објави и Роберт Ајгер, директор на компанијата Волт Дизни.
„Имам тажна вест да споделам. Барбара Волтерс почина вечерва во својот дом во Њујорк“, напишал тој на својот Twitter профил.
Фото: Twitter