Испробајте намирница за отстранување бигор
Бигорот и ‘рѓата идеално можат да се отстранат со помош на состојка што многу домаќинки ја користат за подготовка на сокови, а тоа е лимонтус.
Често се случува на дното на бокалот за загревање вода да се наталоши бигор, кој не може да се исчисти со обичен детергент. Затоа, во бокалот сипете 1 литар ладна вода и загрејте го додека не зоврие, а потоа истресете 2 кесички лимонтус во зовриената вода.
Промешајте и оставете ја водата целосно да се излади, околу еден час. После тоа, истурете ја водата и исплакнете го бокалот.
Чистење на машината за миење садови и полирање на садовите
За да ја исчистите машината, истурете кесичка лимонтус во преградата за таблети и вклучете ја машината на стандардна програма за миење садови. Ќе се изненадите колку ќе се сјајни садовите и колку ќе биде чиста машината.
Чистење на мијалникот
За блескав мијалник, направете го следново: мијалникот посипете го со сода бикарбона, прелијте го со содржина од една кесичка лимонтус и исцедете половина лимон. Почекајте неколку минути и нежно исчистете со сунѓерче. Исплакнете со вода.
Фото: Илустрација