Наместо да го фрлате, „освежете“ бајат леб.
Ако ви останало уште од лебот од вчера, не го фрлајте.
Бајатиот леб можете да го користите и денес, а со неколку зачини тој дефинитивно ќе биде повкусен од свеж.
Потребни ви се лук, путер, магдонос и загреана рерна.
Изрендајте две чешниња лук, па измешајте ги со претходно стопен путер. Додадете сув зачин по желба (магдонос, оригано или босилек) и добро измешајте.
Исечете го лебот на површината, а подготвената смеса вметнете ја во процепите.
Лебот печете го во загреана рерна неколку минути.
Бајатиот леб повеќе нема да биде сув, туку мек, со крцкава кора и мариниран.