Музичките сладокусци во БИХ се радуваат на гостувањето на Влатко Стефановски трио во нивната земја…
Концертите се закажани во Зеница, Тузла, Сараево и Мостар
Гитарскиот магионичар Влатко Стефановски во март и април ќе одржи мини турнеја во БИХ. Неговите концерти беа најавени за 2020. година, но плановите беа пореметени поради пандемијата на коронавирус.
– На 29. март е концерт во БНП Зеница, ден подоцна во Тузла во БКЦ. Потоа, на 31 март, Стефановски ќе одржи концерт во Сараево во БКЦ, а на 1. април во Мостар во Хрватската куќа на Херцег Стјепан Косач. Тоа ќе биде вистинско музичко уживање. Тоа е спој на акустичен и рок концерт, а сите знаат каков уметник е Стефановски – вели продуцентот на концертот Томислав Кашљевиќ за порталот „Аваз“.
Оние кои не ги вратиле билетите за концертот „Стефановски-Тадиќ“ можат да ги заменат за овие.
– Тоа нема да биде проблем – додава Кашљевиќ.
Фото: Архива