ekran платформа за слободоумни
Фестивалот на забавна музика „Макфест“ втора година по ред ќе биде на отворено, локацијата е „Аква бела ресорт“ или поранешниот Градски базен во Штип, најави градоначалникот на Општина Штип, Сашко Николов.
Одлуката била донесена поради протоколите за организирање на вакви настани.
-Се одлучивме за оваа локација, бидејќи изобилува со убавини, како и со добра акустика, која е потребна. Јас не знаев, но еве има луѓе кои знаат во тоа поле и кажаа дека е многу важна акустиката, околината и како ќе се прима и одбива тој звук. Направивме една прекрасна организација со тим од експерти, кои се за сценско, звучно уредување, рече Николов.
Редослед за настап на првата вечер, 17.09.2021:
1. Калина Велковска – 4
2. Андреа Симичиева – Јас и ти
3. Ивана Василева – Доволно е се`
4. 2 Be – Сто милји од мене
5.Александар Јосифовски – Без неа
6. 4 U BAND – Ти си негова
7. Александар Тодороски – Под исто небо
8. Теодора – Повторно сум силна
9. Вејчеслав Поповски – Запеј песно запеј
10. Виолета Арсовска – Нека ме снема
11. Марија Данева – Твоја
12. Рахела Такашманова – Ако не си ти до мене
Нокаут – Сакам да живеам (2020)
На 17 септември на сцената ќе се интерпретираат 12. нови песни, а од нив пет поминуваат во финалната вечер на 18. септември.
Редослед за настап на втората вечер, 18.09.2021:
6. Ѓоко Танески – Ти
7. Мартинијан Ќириловски – Вистина
8. Полина Тасева – Огледало
9. Роберт Билбилов – Луда си на мирен начин
10. Наталија Данаилова – Не крши ме
11. Интервали – За сите години
12. Александра Јанева – Денот што ни носи
13. Лара – Душа
14. Светле – Збогум на лани
15. Филип Пешевски – Невино
16. Eye Cue – Да сме пак заедно
17. Дејан Тасев – Каде беше ти
18. Пепа – Длабоко
НАПОМЕНА: Првите 5 места се резервирани за првопласираните 5 од првата вечер.
Уметничкиот директор на „Макфест“, Владимир Дојчиновски на прес-конференцијата рече дека годинава имаат и нови водители, но и нова форма на фестивалот.
-За првпат ќе имаме ваква форма, значи две вечери, каде првата е полфинална и едноставно ја крстивме прва вечер, не баш дебитантска вечер, бидејќи сите овие изведувачи иако се за првпат на сцената на „Макфест“, тие во својата професија се големи професионалци и по мене баш епитетот дебитанти не е добар. На финалната вечер имаме изведувачи, кои се доста познати кај нас и победници повеќекратни во минатите години, вели Дојчиновски.
Публиката ќе мора да ги почитува протоколите, да има и сертификат за примени вакцини против Ковид-19.
