ЛОТОСОВ ЦВЕТ – Луксузно засолниште на вода: Еколошки хотелски апартман што ја штити планетата

Бродот работи целосно автономно, користејќи пет соларни панели за напојување на тивки електрични мотори и системи за преработка на отпадни води
Инспириран од филмот на Џемс Бонд од 1977. година „Шпионот кој ме сакаше“, Антенеа е луксузно лебдечко засолниште со задача да ја чува планетата. Произведен е во Франција, Антенеа е еколошки хотелски апартман кој се напојува исклучиво со соларна енергија. Електричната капсула е наменета за нов вид туризам кој одговара на многу од денешните предизвици во животната средина, вклучувајќи ги климатските промени, покачувањето на морското ниво, пренаселеност на крајбрежјето…

Издржлива и отпорна
Бродот работи целосно автономно, користејќи пет соларни панели за напојување на тивки електрични мотори и системи за преработка на отпаднте води. Капсулата е целосно рециклирачка и е дизајнирана да биде исклучително издржлива и отпорна на временски непогоди.

Современиот ентериер е распространет на над 50 квадратни метри

Антенеа вклучува неколку различни модели за да се задоволат повеќе функции од хотелски апартман, преку простор за настани, па дури и спа центар. Пловечкиот апартман им нуди на патниците шанса да го истражат подводниот свет преку стаклено дно додека се движат по морето, реките или езерата.

Горно ниво
Современиот ентериер се простира на над 50. квадратни метри и вклучува дневна соба со мини бар, спална соба со голема када, додека на горното ниво има простор за седење што може да смести 12, лица. Терасата на покривот е со панорамски поглед на површината на водата и е заштитена од сонцето со прилагодлив сферичен покрив.