ekran платформа за слободоумни
Зоран Росоманов, зет за ќерка на фолк дивата Виолета Томовска ја изгуби битката со корона вирусот. Негови пријатели ја споделија веста за прераното заминување и со емотивни пораки се простуваат од него на социјалните мрежи.
Тој беше сопруг на Невенка, ќерката на Томовска, позната во јавноста како девојчето за кое е напишан евергринот „Македонско девојче”. Таа била инспирација за Јонче Христовски да ја напише песната во времето кога го славела првиот роденден, во 1967 година.
Веста за смртта на Зоран Росоманов два дена ги преплавува социјалните мрежи преплавени од сочувство, шок, неверување запрераната загуба на една од скопските легенди и сопруг на Невенка, ќерка на Виолета Томовска.
Зоки и Невенка беа во брак 30 години. Тој во една прилика, пред неколку години, кога Невенка го славела јубилејниот 50. роденден, во тајност се организирал да се направи римејк на песната, а го отпеаја оперската дива Весна Илкова Гиновска и Наум Петрески.
За овој римејк беше снимен и спот. Ова беше неговиот подарок за сопругата. Познато е дека Невенка била инспирацијата на Јонче Христовски за да ја напише „Македонско девојче“ уште кога го славела првиот роденден.
