Цените на горивата урнаа рекорди во саботата, но во белгискиот град Кампенхаут на локалната бензинска пумпа, цените и на бензинот и на дизелот одеднаш се преполовиле.
И додека кај нас возачите минатата недела во паника полнеа гориво, на бензинските пумпи во Белгија немало гужва. Освен во еден град, во саботата.
Имено, тој ден во Кампенхаут бил попрометно од било кога. Минувачите биле многу изненадени кога на бензинска пумпа која работи на принцип на самопослужување виделе истакнати цени: 1.077 евра за литар дизел и од 1,2 до 1,3 евра за литар бензин, пишува Revijahak.
Многумина најпрвин мислеле дека се работи за грешка на електронскиот дисплеј, но оние кој навистина ќе отишол да наполни гориво, ќе увидел дека цените се стварни.
Веста молскавично се рашири на социјалните мрежи, а не поминало многу време и настанал голем сообраќаен метеж. Се чинело како цел Кампенхаут да дошол да го наполни резервоарот на автомобилот, а во многу случаи и неколку резервни канистри.
Во меѓувреме, се покажало дека групацијата Colruyt, во која спаѓа и споменатата бензинска пумпа DATS24, не знаела за погрешните цени. За жал, сè што е убаво трае кратко, а не се знае колку траел овој непредвиден „попуст“ и колку клиенти успеале да го искористат.
Инаку, литар дизел на таа пумпа сега чини две евра.
Фото: Илустрација/Instagram