Европската унија за радиодифузија (ЕБУ) објави вести поврзани со годинашниот натпревар за Песна на Евровизија, што треба да се одржи во Ротердам, Холандија. Откако минатата година беше откажан Евросонг, среде пандемијата на коронавирусите, организаторите се погрижија ваквиот исход на ситуацијата да не се случи и оваа година.
The @EBU_HQ, @PubliekeOmroep, @NOS, @AVROTROS & @rotterdam have agreed a determined, yet realistic approach to #ESC2021.#Eurovision will definitely make its welcome return in May!
Read more about our planning 👉 https://t.co/gV69sxSF2J pic.twitter.com/93pNkY0IVJ
— Eurovision Song Contest (@Eurovision) February 3, 2021
Уште есента тие понудија неколку можни сценарија за организацијата. Сценариото А вклучуваше нормална организација на Евровизија, како и во сите претходни години, со публика и изведувачи на сцената во живо. Сепак, ова сценарио дефинитивно е отпишано и тие рекоа дека ќе одлучат до мај дали ќе се реализира сценариото Б, Ц или Д .
Во сценариото Б, процентот на публика во салата е намален на 80%, а во прес-центарот може да има само 500 новинари, додека 1000 би ги следеле виртуелно. Сите изведувачи и посетители кои би присуствувале во живо на настанот, треба да се придржуваат на растојание од 1,5 метри.
Во сценаријата Ц и Д, никој од изведувачите и членовите на делегациите не би дошол во Ротердам, туку настапите би се емитувале во живо од националните телевизиски студија. Во сценариото Ц, публиката ќе биде во живо во салата, а сите новинари ќе присуствуваат на шоуто виртуелно. Најстрогото, сценариото Д, предвидува претстава без публика во салата и без придружни настани.