Се сеќавате ли на серијата со оригинално име „O Clone“ која на нашите простори се емитуваше во 2002 и 2003 година под името „Клон“ (Забранета љубов).
Оваа бразилска серија потоа се емитуваше низ светот, а беше проследена и на нашите простори. Посебно внимание привлече актерката Џована Антонели, која тогаш ја играше улогата на убавата Џада која се заљубува во човек од друга вера – Лукас, кој го игра Мурило Бенисио.
Она што е интересно е дека Антонели и Бенисио се заљубиле во реалниот живот и во 2005 година го добиле синот Пјетро, кој сега има 17 години и се занимава со пеење. Иако славниот пар повеќе не е заедно, сепак се во добри односи.
View this post on Instagram
Џована Антонели има 47 години и се уште успешно глуми. Таа е во врска со бразилскиот режисер Леонардо Ногуеира, со кој има уште две девојчиња, Софија и Антонија, кои се 12-годишни близначки. Таа е многу активна на Инстаграм, каде ја следат околу 19 милиони луѓе.
View this post on Instagram
Покрај улогата на Лукас, Мурило Бенисио играше уште два лика, Диого и Лео, во серијата. Денеска има 51 година и важи за еден од најдобрите актери во Бразил. Покрај телевизиските улоги, тој се покажа и како театарски актер. Нема многу информации за неговиот приватен живот, освен дека го има синот Антонио, кој го доби со актерката Алесандра Негрини.
Фото: Архива