Израелските археолози го урнале митот според кој Кинескиот ѕид бил наменет само да се заштити од налетите на монголите.
Според истражувачите, дел одградбата била користена за контрола на трговските патишта и собирање даноци, пишува Phys.org.
Стручњаците по првпат на мапата ја внеле Северната линија на ѕидот долг 740 километри, која се наоѓа на територијата на модерната Монголија. Тука, ѕидот поминува низ долината,со помала висина е и се наоѓа веднаш до патиштата што не биле користени за воени цели. Според научниците, ова укажува дека Кинескиот ѕид ги ограничил и движењето на цивилите и добитокот и го олеснил собирањето даноци, особено за време на ладниот период, кога луѓето домашните животни ги носеле во потопли јужни пасишта.
Северната линија или Ѕидот на Џингис Кан е изграден помеѓу 11. и 13. век. Изградбата на самиот Кинески ѕид започнала во третиот век пред нашата ера и траела до 1644 година. Неговата должина е повеќе од 21.000 километри, што го прави најголемиот архитектонски споменик во историјата на човештвото. Дебелажината изнесува најмалку десет метри, што го отежнува забележувањето од вселената.