Еден од најплатените холивудски актери Двејн Џонсон потврди дека викендов се оженил со својата долгогодишна девојка Лорин Хашијано. Популарниот „The Rock“ ги изненади своите фанови на Инстаграм со серија фотографии од венчавката, која вчера се одржала на Хаваи.
„Го направивме тоа. 18 август 2019, Хаваи“, напиша Џонсон на Инстаграм.
Џонсон и 13. години помладата Хашијано ја започнале врската во 2007., набргу откако тој се развел од продуцентката Дани Гарсија и во меѓувреме добија две ќерки, тригодишната Џасмин и 15-месечната Тијана.
Тие првично планирале да се венчаат во пролетта 2018., но одложиле откако Лорен Хашијано забременила по вторпат.Џонсон има ќерка и од првиот брак.
„Не ни се брзаше да се венчаме. Јас и онака цело време ја сметав Лорин за моја сопруга“, кажа Џонсон тогаш.