(ФОТО) ТАЖНА СУДБИНА – Излегла да го прослави крајот на карантинот, позирајќи паднала од карпа и починала

Селфито или позирањето за фотографија која ќе се сподели на социјалните мрежи биле кобни за девојката која излегла да го прослави излегувањето од карантин поради корона вирусот…
Олесија Сусписина (31) од Казахстан паднала од карпа висока околу 35. метри додека позирала за фотографија.
Инцидентот се случил во популарниот парк Дуден кај Анталија, познат по прекрасните водопади, и тоа откако девојката излегла од повеќенеделниот карантин наметнат од локалните власти.

Таа била на прошетка со пријател, кога решила да се фотографира на работ на карпата веднаш покрај водопадот.
Дошла до безбедносната ограда и почнала да позира, додека нејзиниот пријател фотографирал.

Kazakh native Olesya Suspitsyna perished in front of her female friend who was taking the photograph in the tourist city of Antalya in the south-west of the country. #turkish https://t.co/ZOtvcMLsN6 pic.twitter.com/rg1Ss40va2

— TUBITAC.com (@Tubitac_com) April 30, 2020

Во еден момент несреќната девојка се лизнала на тревата, загубила рамнотежа и паднала од карпата висока околу 35 метри.
Нејзиниот престрашен пријател повикал брза помош. Безживотното тело на девојката подоцна било пронајдено и извлечено од водата.

Во последните пет години, Сусписина работела како туристички водич.
Турција воведе строги мерки за борба против коронавирусот, а во земјата регистрирани се околу 118.000 заразени и повеќе од 3.000 мртви.