Актерката Ким Катрал (64) , позната по улогата на Саманта Џонс во култната серија „Сексот и градот“, има три брака зад себе, но се чини дека конечно, на 64 години, го најде „вистинскиот“. Таа за списанието „People“ признала дека вредело да се чека кога станува збор за љубовта и дека конечно сега е среќна. Таа зборувала за нејзината четиригодишна врска со актерот Расел Томас (50), а парот се запознал во 2016. година, додека тој работел за Би-Би-Си.
„Сè оди лесно за нас, се чувствувам многу пријатно кога сум близу него“, рекла Ким.
Пред да ја започнат врската, тие поминале многу време заедно, иако сè уште не се познавале добро.
„Тој има посебна смисла за хумор и се чини дека сè што правиме ни дојде природно“, вели актерката, која претходно не сакала да открие премногу детали за нејзината врска.
„Го сакам и вредеше да се чека“, заклучила Катрал. Парот моментално живее во Канада а често оди во Велика Британија.
Ким има три брака зад себе. Првпат влегла во брак во 1977. година со Лери Дејвис, од кого се развела две години подоцна.
Ким успеала својот втор брак да го задржи малку подолго, па се омажила во 1982 година и остана во него седум години. За време на бракот со Андреа Lеј Лејсон, Ким живеела во Германија, каде течно го научила јазикот.
Третиот брак се случил многу подоцна. Таа се омажила во 1998. година и останала во брак шест години со џез-басистот Марк Левинсон. Тој брак вродил со плод – книгата „Задоволство: уметноста на женскиот оргазам“.