ekran платформа за слободоумни
Познатиот „Venice Simplon Orient Express“, кој вози патници од Венеција до Лондон, ќе се соочи со нов ривал во 2023 година кога „Orient Express La Dolce Vita“ ќе тргне на своето прво патување.
Новата железничка услуга со седиште во Италија (сопственост на хотелската групација Accor) се надева дека ќе ја поттикне „новата генерација“ патници да го прифатат златното доба на железничкото патување – под услов да не им пречи да плаќаат премиум цена.
За разлика од Венеција-Симплон (управувана од компанијата за луксузни возови Belmond) со својот веднаш препознатлив арт-деко дизајн од 1920-тите, верзијата La Dolce Vita ќе има поинаков изглед: ентериери од средината на векот инспирирани од облините и боите на 1960-тите и 1970-тите. Секој од шесте возови La Dolce Vita, дизајнирани од студиото Dimore со седиште во Милано, ќе има 12. луксузни кабини, 18. апартмани, еден почесен апартман и вагон-ресторан, со одлична италијанска кујна придружена со италијанско вино.
View this post on Instagram
Гостите ќе уживаат во лесната турнеја низ Италија од Алпите на север до јужните плажи, лизгајќи покрај пејзажите, езерата и шумите по добро изгазени патеки и уживајќи во уметноста и културата на градовите како Милано, Фиренца, Венеција и Рим. Италијанската програма ќе има опции од една до три ноќи. Ќе бидат достапни и три меѓународни програми од Рим до Париз, Истанбул и вториот по големина хрватски град Сплит.
View this post on Instagram
Akor го претставува патувањето како „нов начин на доживување на Италија: еколошка авантура која ги истражува заборавените улици“, но со билети кои чинат просечно 2.000 евра од ноќ, по лице, авантурата ќе биде ограничена на патници со многу длабоки џебови.
View this post on Instagram
Фото: Принтскрин/Instagram
