(ФОТО) Рецепт на денот: Полнети тиквички во земјана тава

Состојки

2 тиквички
300 г. мелено месо по избор
150 г. ориз
1 главичка кромид
1 супена лажица мешан зачин
4 јајца
500 мл. кисело млеко
Подготовка:на загреано масло го запржуваме кромидот.Го додаваме меленото месо.Кога е запржено, оризот го промешуваме во садот.Зачинуваме.
Тиквите ги миеме и не ги лупиме.
Ги длабиме и полниме со филот.
Ги редиме во земјена тава и попрскуваме со масло.
Ги дополнуваме со вода колку да ги покрие.
Печеме во рерна малку подолго, да се загрее убаво земјеното тавче.
Откако ќе провериме колку е варено и видиме дека е при крај, матиме кисело млеко и јајце и прелеваме врз тиквичките.
Оставаме уште малку во рерна да се запече преливот.
Се јаде топличко, додавајќи јаболков оцет.