ekran платформа за слободоумни
Оваа прекрасна сцена што ја гледате на насловната слика не е дело на уметник, туку е сосема природен, иако необичен, феномен. За можноста да уживаме во нејзината убавина, можеме да му се заблагодариме на фотографот Дери Марони, кој беше на вистинското место во вистинско време.
Овој природен феномен првпат го забележал ова лето кога одел покрај исушеното езеро Кајкор во близина на плажата во Брумс Хед на источниот брег на Австралија. Неговиот дрон направил феноменални снимки на каналот на дното на езерото формирајќи нешто неодоливо што потсетува на дрво.
Тоа се, сепак, остатоци од масло од блиското чајно дрво, кое по невремето завршило во езерското корито. Ова билоособено забележливо за време на плимата и осеката, бидејќи езерото Кајкора со канал е поврзано со океанот.
Марони призна дека останал целосно без зборови кога ја видел оваа сцена. Овој вид на природно уметничко дело го нарекол „Дрво на животот“, и од време на време започнал да ја посетува неговата локација за да ги документира со својата камера промените што се случуваат на него под влијание на различни временски услови.
Фотографиите на Марони станаа вирални во декември, а тој доби понуда да зборува за нив и природниот феномен што ги инспирирал за медиумските куќи како Би-Би-Си, Гардијан и Индепендент.
Марони продолжува редовно да објавува слики и клипови од „Дрвото на животот“ на својот Инстаграм, па скокнете на неговиот профил ако сакате да уживате во нови фотографии од оваа необична природна појава.
Фото: Instagram
