Ријана со партнерот АСАП Роки и деветмесечниот син, чие име се уште не го открива, се појавија на насловната страница на британскиот Vogue, но не сите се воодушевени од фотографиите.
Имено, на некои од фановите воопшто не им се допаднала нејзината фризура и сметаат дека косата изгледа „изгорено“, но мнозинството коментирале дека овие фотографии се „премногу мрачни“.
View this post on Instagram
„Сè е толку црно, мислам дека ова не е најдобриот избор за позирање со бебе“, „Никогаш не сум видел потемни семејни фотографии“, „Вог овој пат згреши. Ова изгледа како сет од хорор филм“, „Ова не дава никаков впечаток на нежно мајчинство како што треба“, продолжуваат критиките.
На фотографијата избрана за насловна, Ријана гордо оди напред додека нејзиниот партнер го носи нивното синче. Некои веруваат дека пејачката изгледа предоминантно.
View this post on Instagram
„Јасно е кој во оваа врска ‘ги носи панталоните’“, „Ова ми изгледа како да има две деца“, „Маж треба да води семејство, ова воопшто не изгледа природно“, напишале незадоволните обожаватели.
За потсетување, пејачката за време на својот настап на овогодинешниот Супер Боул откри дека е бремена со своето второ дете само девет месеци откако го роди својот прв син.
Фото: Принтскрин/Instagram/Vogue