ekran платформа за слободоумни
АРТ МЕТРАНО, ѕвездата на филмската серија „Полициска академија“, почина на 85 -годишна возраст. Веста ја потврди неговиот син Хари Метрано со објавување на Инстаграм.
„Вчера го загубив мојот најдобар пријател, ментор, тато. Тој беше и секогаш ќе биде најсилниот човек што го познавам. Никогаш не сум сретнал некој што имал повеќе проблеми од него. Се бореше со години, го гледав неуништив, но вистината е дека не живееме вечно на земја“, започнал Хари.
„Тато, секогаш ќе бидеш дел од мене. Кога некој го смислил цитатот ‘легендите никогаш не умираат’, јас сум прилично сигурен дека зборувале за тебе. Те сакам. Еден ден ќе се видиме повторно, почивај во мир. Сега ти си мојот ангел чувар“, додаде тој. Магазинот „People“ пишува дека Арт починал од природна смрт во неговата куќа на Флорида.
View this post on Instagram
Покрај Полициската академија, каде го играше Ерни Маузер, Арт е познат по улогите во продукции како што се All In The Family, Barney Miller, Kolchak: The Night Stalker, Starsky & Hutch, The Incredible Hulk.
Во 1989. година, тој падна од покрив во Лос Анџелес, а неговото појавување на екранот потоа стана поретко поради рехабилитација. Една година подоцна, тој се врати на телевизија и продолжи со гостувања и помали улоги до пензионирањето во 2001. година.
Фото: Принтскрин/Instagram
