(ФОТО) „Пица леб“: Убав деликатес кој го обожуваат и’ малечките и големите гурмани

Ова е всушност леб кој има вкус на пица бидејќи во него се наоѓаат сите состојки. Одличен е за вечера, но и практичен – секој со рака го кине своето парче така што нема валкани чинии

Состојки:
350 г брашно
1 лажичка сол
1 лажичка шеќер
5 г сув квасец
2 јајца
80 мл вода
60 мл млеко
80 г путер
парирани домати
130 г шунка
180 г моцарела
оригано
маслиново масло
1 лажичка лук во прав

Подготовка:во сад ставете брашно,шеќер, сол и сув квасец. Во млекото, на ниска температура, истопете го путерот. Долијте вода и оставете да се излади додека течноста не стане млака. Додајте ги и изматените јајца па измешајте со сувите состојки.Замесете тесто, покријте и оставете да стасува додека не го удвои волуменот.
На работна површина наросена со брашно расукајте го тестото во правоаголник со страни од 50. см и исечете на 5. еднакви ленти. Намачкајте со сос од домати, додајте рендана моцарела и шунка и наросете со оригано.
Лентите наредете ги една на друга па исечете на 4 еднакви делови. Наредете ги вертикално во калап покриен со хартија за печење, покријте и оставете на топло 20. минути.
Печете во рерна загреана на 180. степени, околу 15. минути. Извадете и површината на лебот намачкајте ја со маслиново масло измешано со лук. Вратете во рерна и оставете да се пече уште 15. минути.
Испечениот леб оставете го во калапот околу 10. минути а потоа извадете и сервирајте.