ekran платформа за слободоумни
Фудбалерот на националниот тим на Франција на Мундијалот, Адил Рами (32), е на чекор со својот тим да го освои Светското првенство, а странските медиуми сега пишуваат уште една убава вест – дека ја запросил Памела Андерсон (51).
Глумицата и бившата Плејбој зајачица е во Русија каде од трибините го бодри својот дечко и тоа во друштво на францускиот претседател Емануел Макрон и катарското кралско семејство, но она што за малку на сите им „избегало“ било дека Памела носела дијамантски прстен.
Поради тоа, многумина сметаат дека таа и фудбалерот се свршиле, како и дека наскоро може да се очекува и свадба. Тие двајца се заедно повеќе од една година и живеат заедно во Франција.
„Фантастичен е, го сакам, секако. Човек мора да биде храбар и да ужива во се. Многу ми е важен и убаво се согласувме. Којзнае уште колку овој свет ќе трае со оглед на тоа во кој правец оди. Тогаш можете и да уживате во сето она околу вас“ рекла неодамна во интервју за The Sun.
Памела има два сина,Брендон и Дилан, од бракот со музичарот Томи Ли кој со многу проблеми е завршен во 1989. година. Глумицата кусо била во брак и со музичарот Кид Рок, а дури два пати, неуспешно, се мажела за продуцентот Рик Соломон.
„Сакам повторно да се омажам. Но, многу пати бев во брак до сега“ истакнала порано Памела.
Рами е татко на близнаци, Зејн и Меди кои во 2016. година ги добил со бившата девојка Сидона Бијема.
