(ФОТО) Неодолив, вкусен и брз: Банана леб со ореви

Потребно е:
125 г. путер
100 г.шеќер
2 јајца
60 мл. млеко (вода)
4 банани
200 г. брашно
100 г мелен лен
100 г. мелени ореви
1/2 лажичка сода бикарбона
малку сол (помеѓу прсти)
1 лажичка цимет
1/2 лажичка мелено каранфилче
Подготовка: изматете ги јајцата со шеќерот, додајте млеко, изладен истопен путер и со вилушка испасираните банани.
Во брашното вмешајте ги содата, ленот, сол, цимет, каранфилче и се’ измешајте.
Оревите малку потпечете ги во сув тиган и крупно исечкајте ги.
Одвојте неколку ореви за наросување по површината, а останатите со брашното вмешајте ги во смесата. Се’ лесно измешајте и ставете во калап 12х30 см, кој сте го обложиле со хартија за печење.
По површината нафрлете ги одвоените ореви. Ставете во рерна загреана на 180. степени и печете околу 50. минути.
Совршен десерт со кафе или чај, па и’ чаша бело вино, после ручек.