Легендарниот глумец Берт Рејнолдс, кој неодамна почина, намерно од тестаментот го изоставил синот, единец, Квинтон.
Рејнолдс кој во 82. година почина од инфаркт, во тестаментот на кој стои потпис од 2011. година, името на синот го спомнува само во контекст дека намерно го изоставил од тестаментот.
„Намерно го изоставувам од тестаментот бидејќи го издржував цел свој живот“, напишал глумецот, како што пренесуваат американските медиуми.
Рејнолдс го усвоил Квинтон со својата бивша сопруга Лони Андерсон.
Според пишувањето на британски „The Sun“ и американскиот „TMZ“, глумецот се’ што имал и оставил на роднината Ненси Ли Хес.
Сепак, поедини медиуми наведуваат дека Квинтон ќе може да добие извесна сума пари на основа на еден фонд.