Тригодишно момче добило сериозна инфекција со стафилокока, поради што првично неговото семејство мислело дека е полесна повреда.
Боуден Баумкирхнер кампувал со роднини во близина на Сан Диего кога паднал од велосипедот и ги изгребал колената.
„Тоа е нешто што му се случува на секое тригодишно дете“, рекол неговиот татко Брајан Баумкирхнер за 12 News.
Неговата рана била исчистена и преврзана, но тој бил хоспитализиран после помалку од 48. часа по падот. Коленото му отекло и добил температура.
„Дијагнозата беше инфекција со стафилокок. Знаевме дека станува збор за бактериска инфекција, но не и дека е толку опасна”, додал таткото на момчето, кој започнал да ја губи циркулацијата во екстремитетите.
Тој исто така добил и сепса, а синдромот на токсичен шок што следел дополнително ја комплицирал ситуацијата.
Лекарите после тоа донеле тешка одлука. Одлучиле да му ги ампутираат двете нозе и неколку прсти. За само шест недели тој претрпел повеќе од 17.операции. Тој моментално е на одделот за детска интензивна нега и добро се опоравува, се вели на веб-страницата GoFundMe, каде е започната кампања за собирање средства за покривање на трошоците за лекување.
„Тој изгуби два прста од левата рака и дел од палецот. Сите други прсти му се извртени и вкочанети. Ќе му треба физикална терапија за да ги исправи и да овозможи повторно да функционираат.
„Сепак, ова наше бебе може да се справи со многу повеќе отколку што секој може да замисли и сè со насмевка на лицето“, тврдат родителите на Боуден.
Тие собрале повеќе од 140.000 УСД и само уште 35.000 ги делат од целта.