(ФОТО) „MTV EMA” награди: Шон Мендес ѕвезда на вечерта, а Тејлор Свифт губитничка

Тејлор Свифт била номинирана во најмногу категории, но не освоила нитуедна . На доделувањата на “MTV” наградите во Лондон не се ниту појавила. Шон Мендес добил три статуетки.
Апсолутен победник на „MTV EMA” наградите е 19-годишниот Канаѓанец Шон Мендес, кој победил во три категории – за најдобар изведувач, за најстрастни фанови и најдобра песна, летниот хит – “There’s Nothing Holding Me Back”.
„Им се заблагодарувам на моите фанови. Ве сакам. Музичарите во оваа категорија се луѓе на кои сум им се восхитувал целиот живот, а да бидам номиниран заедно со нив е навистина лудо”, рекол Мендес при преземањето на наградата за најдобар изведувач.

Ед Ширан имал најдобар настап во живо, Зејн Малик ја победил конкуренцијата за најдобар изглед, а Кендрик Ламар има најдобро видео за песната “Gumble”.
Еминем добил награда за најдобар хип-хоп изведувач, “Coldplay” за најдобра рок група, Дуа Липа добила награда за најдобар нов изведувач, а “Ničim Izazvan” се најдобри изведувачи на MTV Adria.
Британскиот бенд “U2” ја добил наградата за глобална икона, а им ја предал актерот Џеред Лето.

“U2 ми го променија животот…U2 не се само бенд, тие се начин на живот”, рекол Лето.
27. годишната Тејлор Свифт била номинирала во шест категории, но не освоила ниту една награда. Пејачката воопшто не се појавила на доделувањата на MTV Europe Music Awards 2017 во Лондон.