(ФОТО) Македонскиот готвач, Рене Реџепи, има најдобар ресторан во светот но памти вкусови од детството

Готвачот Рене Реџепи, по потекло од Македонија, е на 11. место на листата на 100 највлијателни луѓе во Данска според магазинот „Тајм“. Реџепи, кој живее и работи во Данска, води ресторан кој двапати е прогласен за најдобар ресторан во светот.

Рене има 39 години. Неговата мајка е Данка, а татко му Албанец роден во Македонија. Во едно интервју од 2010. година за тв-мрежата ABC News за тоа дали данските или македонските корени се „виновни“ за неговиот талент за готвење, тој одговарил: „Македонските, се разбира“.
Реџепи е роден во Данска, а потоа се преселил во Македонија каде што живеел се’ до распаѓањето на Југославија.
Неговиот ресторан „Нома“ во Копенхаген беше прогласен за најдобар ресторан во светот во 2010. и во 2011. година.
Рене Реџепи е меѓу најдобрите готвачи во светот, кој сепак во едно гостување во емисија кај Антони Бурден рече:
„Готвам и многу експериментирам и ми се допаѓа тоа. Но, мое омилено јадење, можам слободно да кажам е едно кое мојот чичко ми ми го направи кога бев кај него на гости во Тетово. Тој печеше кокошка со ориз и тој вкус се уште ми е недостижен…“.

Но, Рене Реџепи во светот на кулинарството е познат и по тоа што обожува да открива нови рецепти и нови начини на користење на локалниот зеленчук.