ekran платформа за слободоумни
ИНСТРУКТОРКАТА ПО ЈОГА Лорен Верона починала откако ја родила третата ќерка Лусинда во семејната куќа во Квинсленд. 42-годишната жена родила здраво девојче, го држела во раце, а потоа наеднаш и се слошило. Таа итно била пренесена во универзитетската болница Саншајн Коуст, но не можела да ја спасат.
Нејзиниот сопруг Рајан Гејлард открил дека таа починала од емболија на плодова вода. Состојбата настанува кога амнионската течност или друг фетален материјал влегува во крвотокот на мајката и може да спречи згрутчување на крвта.
View this post on Instagram
„Сакам да знаете дека Лорен се поврза со нашето прекрасно бебе, чие име значи светлина, а таа е тоа во овие мрачни времиња. Болуваме поради загубата, но нашите срца се полни за благословот во облик на Лусинда што Лорен ни го даде“, рекол уништениот сопруг на кралицата на јогата.
Тој истакнал дека домашното породување поминало според планот, но се’ се искомплицирало откако таа се породила.
„Оваа состојба не се случува многу често и затоа е малку истражувана. Судскиот лекар сè уште истражува сè со надеж дека ќе помогне да се разбере оваа состојба и можеби да спаси барем едно семејство од она што ние ќе треба да го трпиме до крајот на животот“, додал Рајан.
View this post on Instagram
Верона водела приватно студио за јога. Таа сакала да ги инспирира луѓето да бараат внатрешна промена и трансформација. Таа починала само четири месеци откако се омажила за Рајан.
Фото: Принтскрин/Instagram
