Последната вест за здравјето на 95-годишниот британски монарх предизвика дополнителна загриженост. Кралицата морала да ја прекине посетата на Северна Ирска на 20. октомври, откако лекарите ја советувале да одмори неколку дена.
Таа била задржана во болницата „Кинг Едвард Седми“ тој ден, како што соопшти Бакингемската палата, поради „прелиминарна истрага“.
Кралицата Елизабета Втора ги воодушевила ројалистите откако Бакингемската палата објавила фотографија на која се гледа како монархот, очи в лице во замокот Виндзор, води разговор со началникот на одбраната, генералот Сер Ник Картер, само неколку дена откако била принудена да се откаже од Неделата на сеќавањето во Вајтхол поради болки во грбот. Сепак, сликата предизвикала и загриженост откако корисниците на социјалните мрежи забележале еден посебен детал – рацете на кралицата биле виолетови.
Загриженоста набрзо прерасна во бура од шпекулации за здравјето на 95-годишната кралица, но експертите брзо се обиделе да ги смират сите грижи. Д-р Џеј Верма, од „Шекспировиот медицински центар“, изјавил за локалните медиуми дека деловите од телото може да станат виолетови поради „феноменот на Рајан“, кога крвните садови се грчат од различни причини, вклучувајќи стрес, емоционална вознемиреност или студ.
„Состојбата е нормална и обично не предизвикува сериозни проблеми“, изјавил д-р Верма. Може да се третира со одржување на топлина.
Општиот лекар Џузепе Арагон рекол дека може да има многу причини зошто рацете на монархот станале виолетови: „Недостаток на циркулација, кревка кожа, изложени вени, модринки, крв што тече во ткивото под кожата што предизвикува боја“, како и деоксигенирана крв.
-Крвта која има нормална количина на кислород е темно црвена и значи дека вашата кожа е со нормална боја. Сепак, крвта со малку кислород е повеќе сина, што предизвикува вашата кожа да има виолетова нијанса“, вели д-р Арагон.
Тој истакнал дека ситуацијата веројатно е резултат на неодамнешната повреда на монархот. Кралицата, која веќе еден месец не е видена на настаните, неодамна се здобила со исчашување на грбот поради што ја пропуштила панихидата во кенотафот. Настанот, на кој им се оддава почит на припадниците на вооружените сили кои загинале на должност, е еден од најважните настани во календарот на монархот.
Бакингемската палата соопштила дека кралицата е „длабоко разочарана“ што ја пропуштила службата. Нејзиниот син и наследник, принцот Чарлс, положија венец од афиони во нејзино име.
Фото: Принтскрин/Instagram