ekran платформа за слободоумни
Хумористичната серија „Сите го сакаат Рејмонд“ се снимаше од 1995 до 2005 година. Сите уживавме следејќи ги авантурите на семејството Бароне. Покрај Реј, неговата сопруга Дебра и родителите Дорис и Питер, се сеќаваме и на неговиот брат Роберт.
Него го играше Бредли Хенри Герстенфелд, попознат како Бред Гарет. Препознатлив е по длабокиот глас. Тој ја започна својата кариера во раните 1980-ти како стенд-ап комичар. Потоа имаше помали улоги во филмови, а славата ја стекна во споменатата серија.
„Го прочитав сценариото и сфатив дека сум способен да играм лик кој беше навикнат секогаш да биде на последното место. Роберт едноставно прифати дека тоа е неговата судбина. Како Дорис и Питер да имаа едно дете. Сценариото беше брилијантно напишано а режијата извонредна. Фил Розентал, кој работеше со Реј Романо, е гениј“, изјавил претходно Бред.
View this post on Instagram
Тој освои три Primetime Emmy награди. Тој сè уште прави стенд ап комедија. Сопственик е на „Brad Garrett’s Comedy Club“ во Лас Вегас, каде што редовно настапува.
View this post on Instagram
Тој беше оженет со актерката Џил Дивен, со која се запозна на снимањето на „Сите го сакаат Рејмонд“. Имаат син и ќерка. Тие се разведоа во 2007 година. По неа, тој започна да излегува со актерката ИсаБил Куел. Тие се венчаа во ноември 2021 година.
Во интервјуто кое го дал во 2015 година изјавил дека, за жал, има проблеми со алкохолизмот.
Фото: Принтскрин/Instagram
