ekran платформа за слободоумни
Четиригодишно девојче пронашло добро сочувано стапало на диносаурус на плажа во заливот Бендрикс, во долината Гламорган во Велс.
Научниците веруваат дека тоа може да им помогне да откријат како оделе тие животни.
Отпечатокот што девојчето Лили Вајлдер го забележало во петокот, е старо 220 милиони години и било зачувано во калта.
Иако е невозможно да се утврди кој вид диносаурус го оставил, стапалото е долго 10 сантиметри и веројатно потекнува од диносаурус висок 75 сантиметри.
Кустосот за палеонтологија во велшкиот Национален музеј, Синди Хауелс, го опишала како најдобриот примерок некогаш пронајден на таа плажа, како и во цела Британија.
Мајката на девојчето Сали објаснила дека таа и нејзиниот татко Ричард го откриле стапалото и го фотографирале, а потоа стапиле во контакт со експерти.
Диносаурусот, кој оставил свој белег, се смета за витко животно што одело на неговите две задни нозе и активно ловел други мали животни и инсекти.
New dinosaur footprint discovered on south Wales beach!
A well-preserved dinosaur footprint has been discovered on a beach near Barry in south Wales and could help scientists establish more about how dinosaurs walked
More: https://t.co/YVXOVNrjwm pic.twitter.com/fpJaoxOrnu
— Amgueddfa Caerdydd (@Museum_Cardiff) January 29, 2021
Се смета дека примероците претходно пронајдени во заливот Бендрикс се повеќе на влекачи од типот крокодил отколку на диносаурусите.
Фосилот бил отстранет оваа недела и однесен во Националниот музеј во Кардиф, каде што ќе се чува.
Диносаурусите првпат се појавиле пред околу 230 милиони години, а нивните стапала може да ја расветлат раната точка на нивната еволуција, кога различните групи за првпат се диверзифицирале.
„Нивното зачувување може да им помогне на научниците да научат повеќе за реалната структура на стапалата, бидејќи е доволно јасно за да се покажат индивидуални перничиња, па дури и отпечатоци од канџи“, се вели во соопштението на Националниот музеј на Велс.
Фото:Тwitter
