(ФОТО) Авганистанката се породила во воен авион по слетувањето во американска база во Германија

Првите летови за евакуација од Кабул до американската база Рамштајн во Германија започнаа во петокот доцна навечер, а таму веќе пристигнаа повеќе од 2.000 бегалци.
Авганистанка се породила во авион
Американската војска објави на Твитер дека бремена жена од Аванистан, која била во транспортен авион, се породила веднаш по слетувањето во базата Рамштајн. Објавени беа и фотографии од излегување од авионот.

Medical support personnel from the 86th Medical Group help an Afghan mother and her family off a @usairforce C-17 Globemaster III moments after she delivered a baby aboard the aircraft at @RamsteinAirBase in Germany. pic.twitter.com/339bMiVDVO

— Department of Defense 🇺🇸 (@DeptofDefense) August 22, 2021

Тие велат дека добила породилни болки за време на вториот дел од летот од Кабул, од базата на Блискиот Исток, не наведуваат која, се’ до Германија.
Американските воздухопловни сили раскажале дека имало компликации додека авионот летал на 8534 метри надморска височина поради помалиот воздушен притисок во авионот. Но, бидејќи на бремената жена и се слошило, пилотот отишол пониско за да го зголеми притисокот во воздухот и со тоа и го спасил животот, пренесува Си -Ен -Ен.
По слетувањето, медицинскиот персонал од воздухопловната база помогнал при породувањето во товарниот простор на авионот.
Мајката и бебето се добро.
Ќе можат да примат околу 10.000 бегалци
Американската база Рамштајн моментално може да прими 5.000 бегалци, а места ќе се направат за уште 5.000 во следните недели.
Сите ќе бидат прегледани од лекар по пристигнувањето, и само после тоа ќе се изврши нивната регистрација.

Фото: Принтскрин/Twitter