Фејсбук на своите страници го забрани негирањето на холокаустот, нагласувајќи дека е загрижен за растот на антисемитизмот во светот.
„Ако луѓето го пребаруваат холокаустот на Фејсбук, ќе започнеме да ги насочуваме кон веродостојни извори за да добијат точни информации“, рече шефот на Фејсбук, Марк Зукеберг, во понеделникот.
Тој истакна дека често се двоуми помеѓу заштитата на слободата на говорот и ограничувањето на говорот на омраза.
„Да се повлече граница помеѓу она што е и она што не е прифатливо, не е лесно, но со моменталната состојба во светот, мислам дека ова е вистинскиот баланс“, рекол тој.
Фејсбук минатата недела објави дека ќе отстрани каква било содржина што отворено го поддржува Qanon, теорија на заговор популарна од десницата, која тврди дека со светот управуваат сатанистички педофили.
Фејсбук исто така ги ограничи намерните дезинформации за коронавирусот, како и содржината насочена кон намалување на излезноста на гласачите.