ekran платформа за слободоумни
Луѓето кои страдаат од несоница или доживуваат голем стрес на работа се изложени на поголем ризик од заразување со ковид 19, сугерира новото истражување.
Тимот научници, предводен од Факултетот за јавно здравје на Универзитетот Џон Хопкинс во Балтимор, верува дека овие состојби го ослабнуваат имунитетот, зголемувајќи ја подложноста на болести како што се оние предизвикани од коронавирус.
Откриле дека за секој дополнителен час сон, можноста за добивање коронавирус се намалува за 12. проценти.
Но, луѓето кои чувствуваат стрес на работа секој ден, имаат двојно поголема веројатност да заболат од вирус.
View this post on Instagram
Студијата е објавена во списанието BMJ Nutrition Prevention & Health, а истражувачите ги анализирале резултатите од истражувањето спроведено од 17. јули до 25. септември во Франција, Германија, Италија, Шпанија, Велика Британија и САД. Учесници биле здравствени работници, кои биле прашани колку спијат и колку стрес имаат на работа. Од 2.884 лица, 568 пријавиле дека биле заразени со ковид 19.
Утврдено е дека 24. проценти од испитаниците кои имале ковид 19. лошо спиеле, во споредба со 21. процент од оние кои не се заразиле. Слично на тоа, 18,2 проценти од работниците кои не се разболеле изјавиле дека никогаш не доживеале стрес на работа, во споредба со 13,7 проценти од оние кои се разболеле.
View this post on Instagram
Авторите на студијата веруваат дека и двете состојби – синдром на прегорување и несоница – го ослабуваат имунитетот.
„Синдромот на прегорување може директно или индиректно да го предвиди развојот на болести предизвикани од стрес, што го нарушува имунитетот и го менува нивото на кортизол. Откривме дека недостаток на сон во текот на ноќта, сериозни проблеми со спиењето и високи нивоа на стрес можат да бидат фактори на ризик за ковид 19“, напишале истражувачите како заклучок.
Фото: Принтскрин/Instagram
