Иако повеќето парови се радуваат на Денот на вљубените, има и такви чии врски „пукнуваат” само два дена пред најромантичниот ден во годината.
Причина за тоа е појавата наречена “Црвен вторник”, ден кога многу парови одлучуваат да ги прекинат односите. Имено, истражувањето кое го спровело “IllicitEncounters” вели дека неделата во која се паѓа Валентајн е време кога најмногу лица одлучуваат да ги остават своите партнери, а особено станува збор за вторник како ден кој брои најмногу такви случаи поради што и го добил името “Црвен вторник”.
Истражувањето наведува дека повеќе од една третина од испитаниците, односно 37 отсто, изјавиле дека ја прекинале врската со партнерот во неделата пред 14-ти февруари. Главните причини за прекин во пресрет на празникот, според истражувањето, се заштедувањето на пари потребни за купување на подарок за партнерот и избегнување на притисокот од давање на лажна изјава на љубов.
Во анкетата учествувале 3000 испитаници – 31. отсто од нив изјавиле дека раскинале преку порака, 28 отсто преку телефонски повик, а 27. отсто со разговор во живо.