Раде Силјан (родено презиме Павловски) е роден на 16 април 1950 година во с. Жван, Демирхисарско.
Основно образование завршил во родното место, гимназија во Битола, а Филолошки факултет на Универзитетот „Свети Кирил и Методиј“ во Скопје. Работел како новинар во „Студентски збор“, „Наш свет“, „Железничке новине“ и Радио Скопје. Бил главен уредник на Третата програма на Македонското радио и генерален директор на „Македонска книга“. Исто така, тој е основач и директор на книгоиздателството „Матица македонска“ од Скопје.
Силјан е член на ДПМ од 1982. Во два мандати бил претседател на Друштвото на писателите на Македонија, како и претседател на Собранието на ДПМ.
Силјан е член на Сојузот на литературните преведувачи на Македонија и на Македонскиот ПЕН центар. Главен и одговорен уредник на едицијата „Македонски искушенија“ и член на редакцискиот одбор за подготовка на издавачкиот проект „135 тома македонска книжевност“. Почесен член е на Македонското друштво за наука и уметност во Битола. Член е и на меѓународната академија „Михај Еминеску“ во Крајова, Романија и на Славјанската академија во Варна, Бугарија.
Дваесет и четири негови книги се преведени на: англиски, руски, турски, грчки, италијански, бугарски, српски, украински, полски, латински, романски, црногорски, влашки, словенечки, бошњачки и албански јазик.
Раде Силјан е добитник на следниве награди и признанија:
-Студентски збор – 1975
-Кочо Рацин – 1986
-Награда за најдобра критика – 1987
-Браќа Миладиновци – 1990
-Арџесис, Букурешт – 1993
-Ацо Шопов – 1999
-Димитар Митрев – 2001
-Гоцева повелба – 2001
-Вејла кутија – 2008
-Кочиќево перо, Бања Лука – 2008
-Златна фортуна, Киев – 2008
-Давидиас, Загреб (За издавачка дејност) – 2009
-Un poeta per la pace, Трст – 2010
-„11 Октомври“, државна награда за животно дело – 2010
-Михај Еминеску, Крајова – 2011
-Геза Гардоњи, Будимпешта – 2013
-Grand Prix ”Grigore Vieru” Кишинев – 2014
-Амбасадор на пријателството, Софија – 2014
-Самовилско коњче, Софија – 2014
-Награда за најдобра поетска книга на списанието „Литература и уметност“, Кишинев, Молдавија – 2014
Златен прстен – 2015
-„30 Септември“ – Награда на Сојузот на литературни преведувачи на Македонија – 2015
-„Свети Климент Охридски“ – државна награда за животно дело – 2015
-Награда „Арка“, Србија – за најдобра поетска книга од странски автор „Огледало векова“ (Огледало на вековите) – 2015
-Златен крст за заслуги – одлукување од страна на Претседателот на Р. Унгарија
-Меѓународна награда „Поетски мелнички вечери“ – 2019
-Награда за животно дело на Општина Демир Хисар – 2021
Редакцијата на Екран ја користи оваа прилика и му го честита роденденот на Раде Силјан.