ekran платформа за слободоумни
Весна Гаврил е родена на 3 април 1989 година во Ресен. Дипломирала во Универзитетот за аудиовизуелни уметности ЕСРА, на отсекот за глумечка игра во класата на Ѓорѓи Јолевски во 2011 година. Вработена е во Македонскиот народен театар од 2014 година.
Театрографија:
- Ученик — „Р“ од Јордан Плевнеш, р. Дејан Пројковски, МКЦ, 2006;
- Хор — „Троил и Кресида“ од Вилијам Шекспир, р. Љубиша Ристиќ, МНТ, 2006;
- Вини — „Play Beckett/Среќни денови“ од Семјуел Бекет, р. Ѓорги Јолевски, Драмски театар – Скопје, сипломска претстава, 2008;
- Игнација — „Душички“ од Загорка Поп-Антоска Андоновска, р. Загорка Поп-Антоска Андоновска, НУЦК „Трајко Прокопиев“ – Куманово, 2008;
- Косара — „Владимир и Косара“ од Загорка Поп-Антоска Андоновска, р. Слободан Милатовиќ, Министерство за култура на РМ, Министерство за култура на Црна Гора, Скопско лето и Барски љетопис, 2009;
- Силвија — „Тигар“ од Мореи Шизгал, р. Драган Велјановски, МКЦ, 2011;
- Учителка по англиски — „Госпоѓа Министерка“ од Бранислав Нушиќ, р. Наташа Поплавска, МНТ, 2015.
Остварила улоги и во следниве телевизиски серии:
- Мис Стоун — „Тврдокорни“, епизода „Јане Сандански“, р. Миле Гроздановски;
- Магдалена — „Македонски народни приказни“, епизода „Тодор Паница“;
- „Македонски стари приказни“,
Добитник е на наградата „Златен Аполон“ за најдобра глумица за улогата на Косара во претставата „Владимир и Косара“, 2009.
Среќен роденден Весна ти посакува редакцијата на Екран.
