Неверството е честа причина за раскинување на врската
Кога се заљубуваме и започнуваме врска, не размислуваме за негативни работи, повеќето од нас имаат во главата дека добро познатата фраза „до крајот на животот“ ќе се оствари. Сепак, речиси 70% од жените и 75% од мажите признале дека биле неверни во одреден момент од животот, пишува The List.
Можеме ли воопшто да го спречиме неверството? Според психологот, врските на кои им се посветува грижа и внимание имаат помала веројатност да завршат поради неверство.
– Врските се како живи организми, ако ги негувате, тие напредуваат и растат. Ако ги игнорирате, тие ќе венеат и „умираат“, објаснува д-р Талал Алсалим за The List. Занемарувањето на врската е водечка причина за измама.
Што можеме да направиме за да спречиме неверство?
Развијте зрелост во врската
Градењето и одржувањето на односите е вештина. Колку повеќе се развива оваа вештина, толку повеќе се развива зрелоста на врската, вели д-р Талал Алсалим. Во принцип, колку е позрел парот во врска, толку е помала веројатноста за неверство.
Гледајте на вашата моментална врска како на можност да ги практикувате вештините за здрава врска што ги учите, без да проектирате драма од минатите врски на другата личност.
– Овие проекции можат да ја расипат врската уште од самиот почеток, особено ако новиот партнер е некој кој воопшто не е сличен на оној од минатата врска – забележува д-р Алсалим.
Соочете се со разликите и прифатете ги
Спротивностите се привлекуваат? Според д-р Талал Алсалим, разликите може донекаде да ја зајакнат компатибилноста. Споделувањето на нашите уникатни перспективи со нашиот партнер и поканувањето да пробаат нови работи може да ги збогати романтичните врски. Меѓутоа, големите разлики во личните вредности, духовноста, интелектот и политичките убедувања може да сигнализираат за некомпатибилност, што е вообичаен фактор за неверство.
Некомпатибилноста често може да се надмине со смирено и со почитување дискутирање за разликите. Работете на разбирање и прифаќање на меѓусебните позиции.
Дозволете промени во врската
„Си се променил“ е фраза која често се фрла кон партнерот како навреда. Сепак, д-р Талал Алсалим вели дека луѓето и нивните потреби не се статични во врската. Затоа, треба да бидеме способни да се прилагодиме на промените за да избегнеме дефицити во врската што предизвикуваат неверство.