ekran платформа за слободоумни
Кантавторот Борис Новковиќ вчера станал татко. Имено, неговата партнерка, Ирис Волф, вчера родила син во загрепската болница „Меркур“. Според хрватските медиуми, избраничката на пејачот се породила со царски рез а породувањето поминало без никакви компликации.
Новковиќ е пресреќен што по четврти пат добил дете.
„Како и секој пат кога станував татко, овој ден е еден од најсреќните во мојот живот. Сè мина добро со мајката и бебето и едвај чекам да си дојдат дома“, изјавил Борис за хрватските медиуми.
Да потсетиме, кантавторот и повремената манекенка во 2019. година доби ќерка која ја нарекоа Си.
„Ирис и јас избравме име заедно. Корените се од хебрејскиот јазик, па дури и во Кина има такво име“, рекол пејачот пред две години за процесот на избор на име за детето.
Нивната љубовна приказна започна пред две и пол години, а јавноста дозна за тоа кога се појавија заедно на загребската премиера на документарниот филм „Ватрени“.
Минатата година беше напишано дека Борис и Ајрис раскинале, а потоа се помириле по краток период.
Новковиќ ги негираше тие обвинувања и рече дека е среќен во љубовта и дека ништо не му недостасува.
Фото: Архива
