ekran платформа за слободоумни
Вчера напладне во Индустриската зона Визбегово, се одржа Бизнис средба на компаниите и членките од здружението и самата зона.
Здружението континуирано се залага и презема активности чија цел е зајакнување на економијата и подобрување на условите на компаниите во Индустриската Зона Визбегово како и за создавање на услови за меѓусебно стопанско поврзување на членовите и заеднички настап на деловните субјекти на домашниот и странски пазар. Дополнително на средбата беа дискутирани и проблемите, пред сѐ проблемот со магистралниот пат кој практично создава проблеми во секојдневната сообраќајна комуникација на компаниите и нивните клиенти, како и состојбата со водоводот и канализацијата. Се зазеде став за понатамошна средба со одговорните и надлежни институции во кои сите членки во здруженито ќе се заложат за промена на состојбите.
На настанот присуствуваа повеќе од 50 претставници на компании од зоната.
