Вчера и денес (16 и 17 октомври), на големиот паркинг во рамките на СЦ Борис Трајковски, се одржува најголемиот авто-мото настан во нашата држава, Авто Плус Street Show.
На првиот ден (сабота) времето одлично не послужи, а сите присутни имаа шанса да се запознаат со голем број на новитети меѓу автомобилите, мотоциклите, четирициклите, комерцијалните возила и електричните скутери и мотори, а присутни беа и компании од индустријата на автомобилска галантерија и додатоци. Настанот помина организациски перфектно, беа изложени секаков вид на возила, дел од нив за првпат прикажани пред очите на македонската јавност и имаа премиерни презентации. Настанот продолжува и утре (17 октомври, недела) кога не очекуваат уште подобри временски услови, а ќе имаме уште десетина официјални премиери.
Авто Плус Street Show е уникатен и алтернативен начин за претставување на нови, еколошки, технолошко напредни и електрични возила, за првпат одржан во 2019, а истиот оваа година се одржува на големиот паркинг на СЦ Борис Трајковски. На настанот се присутни 22 изложувачи со над 40 брендови кои се достапни на македонскиот пазар.
Авто Плус Street Show – перфектен ден
©EKRAN.MK Вестите на интернет страницата на редакцијата ЕКРАН.мк може да се користат исклучиво за лично информирање. Без писмена дозвола од ЕКРАН или посебен договор, не е дозволено превземање, користење или реемитување на вестите, во спротивно ќе уследи фактурирање на име „плагијат“ во вредност од 20.000 денари.