ekran платформа за слободоумни
Лето. Море, сонце, смеа до доцна во ноќта, мокра коса од солена вода и топол песок под нашите нозе – не е ни чудо што толку многу го сакаме ова годишно време!
Но, зад тоа летно расположение лежи моќна научна вистина: летото навистина го менува мозокот, телото и душата – и на подобро.
Сонцето како природен антидепресив
Нема подобар начин да се разбудите од кога сончевите зраци ќе пробијат низ ролетните. Науката вели – тоа не е случајност! Сончевата светлина го стимулира производството на серотонин, хормонот на среќата, и го регулира мелатонинот, хормонот на спиењето.
Овие две моќни супстанции заедно влијаат на подобра концентрација, подобар квалитет на спиење и секако – позитивно расположение.
Витамин Д – „витаминот на сонцето“ за ментална рамнотежа
Летото ни дава не само бронзена боја на кожата, туку и витамин Д, кој директно промовира добра рамнотежа на хормоните и ги зачувува мозочните функции. Освен што ги подобрува меморијата и фокусот, овој витамин игра важна улога и во менталното здравје.
Благотворната моќ на водата
Постои причина зошто сите сонуваме за плажа – близината до водата го намалува стресот и го зголемува чувството на мир. Истражувањата во Велика Британија покажале дека луѓето се најсреќни во „сините зони“ – покрај море, реки или езера.
Затоа не е изненадување што сурферите се секогаш толку опуштени – тие буквално лебдат во својата терапија.
Враќање кон природата
Летото нè тера надвор – без разлика дали е шума, плажа или градски парк, докажано е дека престојот во природа ја намалува анксиозноста и го подобрува расположението. И таа врска со природата не мора да престане кога ќе заврши август – задржете ја таа навика и во текот на есента!
Дружење = здравје
Летото е сезона на спонтани собири, скари, вечерни излегувања и долги кафиња со пријатели. А токму социјалните врски се клучот за долг и среќен живот – тоа е докажано во најдолгото истражување за среќата. Квалитетните врски со луѓето околу нас нè штитат подобро од кој било додаток.
Но, не летото на секого е „најдоброто време од годината“
Важно е да се знае – некои луѓе не се чувствуваат најдобро во текот на летото. Високите температури, притисокот од социјалните очекувања, нереалните стандарди од социјалните мрежи – можат да предизвикаат стрес, вознемиреност или чувство на неприпадност.
Затоа – не заборавајте на емпатијата. Некој можеби претпочита да ужива во тишината на климатизирана просторија и книга, отколку на забава под палмите – и тоа е сосема во ред.
Летниот „зен“ не е мит, туку природна реакција на телото на светлина, поврзаност и релаксација. Затоа, искористете го летото мудро – сончајте се (умерено), сакајте, смејте се и грижете се за себе. Направете го вашиот летен ден не само убав – туку и лековит.
Фото: Архива
